السلام عليكم ورحمة الله
ارجو ان تنال هذه الابيات اعجابكم واستحسانكم
مرت على عهد الرخا ستة اعوام
بانجازها تساوي ثمانين عامي
في كل يوم يدفع الركب قدام
خادم بيوت الله وريث الإمامي
مليكنا العادل ذرى كل منظام
اللي لشعبه والعروبه حزامي
عن هم شعبه ما تراخى ولا نام
دايم وهو من دون شعبه يحامي
ابو الفقارى والأرامل والأيتام
في ظل عطفه مهتنين المنامي
وأنعش مشاريع الوطن والسعد قام
وخلى وطنا يعتلي بالسنامي
له هيبة تكسر مجاديف الإجرام
وله سطوة تكسر يدين الحرامي
وله وقفة تشفي عليلات الاسقام
يفرح بها المنصاب والجرح دامي
شادت بوقفاته قنوات الإعلام
وأهل الضمير الحي شرق وشامي
الله يفكه من صواديف الأيام
رمز الزعامة والكرم والسلامي
درع الوطن للي يعاديه لطام
سيل على جمع المعادين طامي
واخوانه اللي كلهم درع وحزام
عونه إلى جاء للصعاب ادحامي
هم عز شعب عاهد وبايع مام
وباق على البيعة دوام الدوامي
بانت مواقيفه على الخاص والعام
بصدق الولاء بأفعالهم والكلامي
وعدونا اللي وده يحطنا اقسام
ما يدري انا نرفض الانقسامي
عهودنا ماهي بضاعه لسوام
وحدودنا من دونها الموت حامي
عدواننا يجزون بقياد وخطام
وصدقاننا يحضون بالإهتمامي
ويا دارنا دمتي ودام السعد دام
في ظل ابو متعب بعيد المرامي
flkhsfm lv,v 6 sk,hj ugn ui] oh]l hgpvldk
بمناسبة مرور 6 سنوات على عهد خادم الحرمين
