انقل لكم هذه المقدمه والمجاراه نصياً من خادم حرب:
بسم الله الرحمن الرحيم
(فالحقيقة إنني قد أبلغت بقصيدة الأخ الشاعر/ محمد سعود البيضاني اللتي نشرت بالنت
وسرتني كل السرور وأيقنت أنها صادرة من أحساس صادق وابن عم وفي لاسيما وهو لايعرفني
ولا اعرفه الا بالذكر الطيب ويكفي أنه بيضاني شقيق الغيداني ويكفي انه يحمل كل هذه الغيره
للقبيلة وللمواقف الملزمه للرفقه وكل ماتعنيه ولذلك اقول له الف شكر وبيض الله وجهك
وكثر الله من أمثالك وحفظك . واسمح لي بهذه المجاراه المتواضعه)
يامرحبا ترحيبةٍ ممزوجه ــــــــ بالكاد والعنبر وبالريحاني
باللي رسم بالنت ليه صوره ــــــــ إمطوقه بالدر والمرجاني
يثني علي بموقفٍ سويته ــــــــ ويقول غيري ماشقابه ثاني
لاهنت يامحمد وجعلك سالم ــــــــ ياذخر ربعاً يكرمون العاني
ياخوي هذي فرصةٍ من ربي ــــــــ ماجابها مسلم ولانصراني
ومادام انا خادم ياخوي لربعي ــــــــ ما هي غريبه والقضيه شاني
لو حرب فيها يامحمد واجد ــــــــ ناسٍ إكرام وتكرم الضيفاني
مير المواقف مثل قنص الصيدة ــــــــ قناصها واجد وهي لإنساني
وأنته كفايه ماشرحته ليه ــــــــ بمقدمة عرضك على عنواني
وكفاية إنك مشتقي بالموقف ــــــــ كنك فعلت اللي فعلته ثاني
واشكرك يامحمد وعلمك غانم ــــــــ واللي ذكرته زاد في ميزاني
ومادام ربعي فيهم اللي مثلك ــــــــ ماهمني مكسب ولا خسراني
والله لطاول بالثريا راسي ــــــــ واخدم حرب ابماقفي ولساني
ولا اللقب ماشلته الا واثق ــــــــ إني على قده بلا نقصاني
ولو اطمع إني يوم ماني قده ــــــــ والله لعيش بعيشة الحقراني
لكن أنا محتاج وقفة ربعي ــــــــ اللي سوات محمد البيضاني
اللي لنا مثل العمد للخيمه ــــــــ ولا تنبني خيمه بلا عمداني
والرجل مايصفق بكف واحد ــــــــ وإن حاول يصفق بها غلطاني
واللي زعل من خدمتي لإخواني ــــــــ ماهو بنافعهم وأنا ماأشقاني
واللي يبا يخدم إخوانه مثلي ــــــــ ارتاح أنا من خدمته لإخواني
شيء يشرفني ويشدد ازري ــــــــ ويهين عدواني وهو لاهاني
واللي مايقدر لايبلش نفسه ــــــــ ويصير عاقه مثل دين الفاني
لكن يامحمد بقدم باقه ــــــــ لك مع الجزيل الشكر والعرفاني
l[hvhm oh]l pvf (]hog hgyd]hkd ) glpl] fk su,] ]hog hgyd]hkd
مجاراة خادم حرب (داخل الغيداني ) لمحمد بن سعود
