هذا الموضوع مخصص لجمع قصائد الشاعر/ بجاد بن سليم البيضاني..
و هو جهد شخصي قد يعتريه النقص...
لذا نرجو منكم المشاركة الفاعلة و بذل الممكن..
الضنون البيض
انا مبغاه يصلانى على نارالضنون البيض = حرقت من الضنون وجمرت من صمته الفاضى
اشـوفه لاحبيب ولا قريب ولا يصـير بغيض =وراه يّزعل الكلمات وهو بصوتها راضى
ثلاث اسنين ابسمع كلمتن منها يموت الغيض =لكن الصمت طال وخاطره بلحيل متغاضى
وانا عـّزيت نفسى والعقد بلقالها تنقيض =ابا انسى وابغى اقول لـ قلبى انىعنه متغاضى
ابرحل عن صحارى الذاكره بين الشتا والقيض = قبل يمطر سحاب الشوق ابذبح باالضما حاضى
مدام الروح زهقت واشعر ان النفس تبغى تفيض =على مر الطريق يزيد شـى فـىّ مـركاضـى
مرشح انتخابات
بالله يامرشح بلاشي زعاطه=شارعك يعدم موتر اللي مشا فيه
واشك فيك انك تعرف البلاطه=وكم فارغ تشرب عصيره وترميه
برنامجك هذا صراحه عباطه=ماباقي الا كل بيت تبوّ يه
يعني ذكي وآخذ صحيح احتياطه=واثر النيون اللي مسوي دعاويه
يابط كبد اللي يحب البساطه =والله يوفق من صدق في مساعيه
شمعة
وراك يانفسي تصيرين شمعه = ومن شان بعض الناس ليش احترقتي
لوهي لها في ظلمة الليل لمعه = هي تحترق والناس قالو برقتي
دنياك ماتسوى تهلين دمعه = أحتى ولو من ماتشوفي زهقتي
ولو تنطقين الحق مسدود سمعه = ما فيه داعي للحكي لو نطقتي
انسي ودون الياس مافيه رمعه = ترضين والا من زعلكي قلقتي
ثلج وجمر
اجمل من اعيون الخلايق عيونه =ومن كل زين بكل باقيه مزيون
ورد حمر تمه ولول سنونه = وسيف نزل مابين خدين وعيون
ثلج وجمر وقاد ما يشعلونه= عليه لمعه من ندى الثلج وتمون
وعنق الظبي والصدر فوقه ودونه = الكاعبين اللي على الصدر يقفون
والقد من قده قوام وليونه = الخيزران انشافها مات مغبون
وليل تنثر وانعطف عن متونه = وبدر ضياه يحير اللى يشوفون
الشايب
الشايب اللي بزته ....يه = وعمامته ... ويضحك على الناس
معكم عليكم والنوايا خفيه = ونبغى المرق والقدر في وسطهافاس
والمال عنده والبلا و...يه =وليا تنازل سجل اثنين حراس
ولاله شبيه ولا تحليت زيه = يفرح بموت الناس ويقول لاباس
حية تبن من فوقها النار حيه = محروسة من كل وجهه على ساس
اكذوبة العصر الحديث الغبيه = ومن يلمس الكهرب ومن يلمس الماس
اشكان ناقصني
كل ما هل همالك على غصني =اورق الغصن واصبح بالمدى غابه
دوبي اللى عرفت اشكان ناقصني = ياصباح الغيوم البيض في طابه
هل بالجوف همالك وحسسني =انها صادقه ماهي بكذابـــــــه
يابعد كل ورد الارض وش يعني = كل هالورد مع لولك وعنابـــه
خذني اشراع وانت الريح وادفعني =لآخر اعباب بحرالعين واهدابه
ابغى اسافر خلالك يامرجعني =للورق والشعر والحبر واصحابه
رحلتك كبر هذا الكون توسعني = وقلبي اللى عليها يتعب اركابه
آه وا قلبي!
آه واقلبي اللى فيه من هم الهوى حول عشرين الف عله= يرقدون العرب في ليلهم والصبح يطلع وانا صاحى لحالـي
اشهد انه من الايام وافراق المواليف بانت فيـه خله = لين بين سهر عيني وبان الدمع واللى يجيب الدمع غالـي
واضلوعي على طاريه حنت وانحنت حنيتن مثل الاهـله = كل ما المس ضميري فيه منه الفين ونه وجرح سم حالــي
واوجودي على لاماه ياعواد لو يوم يسوى العمر كله = كل ما ىاذكر ليالينا سوى سميت الايام الايام الخوالــي
اشهد انه عقدله وسط قلبي عقد معقود غيره من يحله = هو طبيبي وهو ادواي والدا ء في من سبته واعزتالـــي
سعودي
ولا فخر من فضل ربي سعودي = غصب على الحساد وسعودي اسعود
ولاني بتطرف وحافظ عهودي = وطايع ولي امري ولاني بمظهود
مادمت مستامن وحارس احدودي = سلام ديني يكفل البيض والسود
اجهادي لنفسي وصادق اجهودي = وسماحة الاسلام والصبر محمود
امضى واخير وقوتي في وجودي = تثبت لعدواني فشل كل بارود
على سياسة طيبين الجدودي =ولجل وطنا كلنا درعوجنود
مانسمع بواق الفتن والرعودي = واصلاحنا منا وفيناوموجود
فهد ملكنا كلنا له فهودي = وولي عهده ابلموده له اعهود
وسلطان سلطان الوغى والصمودي = خيروعطا واخلاص ماهو بمحدود
ونايف ذرى الخايف وضد الحقودي = راعي وسط مايقبل النقص والزود
يسهر لراحتنا وحنا رقودي= ونخوة ارجاله بالشجاعه وبالجود
من جية امعزي سهود امهودي =شكرا هل العوجاكثر كل معدود
ماني معقد
كيف أعرف الحال وأحدد =دربي وبابـي ومفتاحـي
وأنا على أعداي متشـدد = ومع أي انسان اصلاحي
مبادر﴿ن﴾ غيـر متـردد= عقيدتي غالـي سلاحـي
ما أقتل بلا حق ما اهـدد = مجاهد النفـس يرتاحـي
مازيد بالديـن مـا ورد= لاعلم لي غيرباجراحي
ماني غبي مانـي معقـد = احيان نايم وانا صاحـي
فضـاي بالغيـم متلبـد =ورجاي فلاج الاصباحي
يا ليل يا عين
ياناس من يقوى زعل نور عينه = البارحه ياناس ياليل ياعين
ماكنت اظن ان المشاعر ل عينه = حتى اكتشفت ان المشاعر ملا عين
مدري وش اللي صار بيني وبينه = بغا يوقف بيننا بيننا البين
والموج حسيته لعب بالسفينه =وشراعها روح مع الريح نصفين
نصف عليه احزان عمري حزينه =ونصف عليه احزان من عمرها الزين
هاج البحر والظن ظن بظنينه =واظناني اظناني وانا ظني الغين
غريق لو مالله كتب من يعينه = غرق غرامه والغرامه غرامين
المسألة
المسأله ياناس ماهي احكايه =والسالفه ماهي بزي السواليف
ولاهي كلام البهرجه والدعايه. = ولاهو كلام اهل القلوب المواليف
انكان مالاهداف من شان غايه = ترى الحقيقه بالحقيقه تخاريف
ولا هواكم ياحبيبي ..هوايه = ولا الشتاءبارد ولا صيفكم صيف
ولاالشعر يسوى جنوح الغوايه = ولاالبكاء ينفع ولاينفع السيف
المسأله كبر الوفاء في وفايه = وحتى اعترافاتي تراها معاريف
والقلب مايسمع بالاذن الوشايه = وشجعان مانغدر ولانقبل الحيف
يالله ياعالم خفايا خفايه = يامالك الاملاك يارازق الضيف
ياحي ياقيوم.. تغفر خطايه = وهدايتك يامن بيدك التصاريف
للحق تهدينا بخير الهدايه = في درب سيد خلق ربي بتشريف
للعالمين ارسل وخير الكفايه = في سنته لحمول الايام تخفيف
مليت من طيبي ولاعرف ردايه = والرد ماهو في جميع المواقيف
احيان ياللصمت والحلم رايه = وكان الامم بخلاقها طايب الكيف
ياصادقين بصدق مين اصدقايه = ماهو صديق من ابعد الناس ياحيف
]d,hk f[h] fk sgdl
ديوان بجاد بن سليم
