هذه القصيدة قالها الشاعر سلمان بن مطر بن رويشد ابن نفلا البيضاني في مبادرة مطر بن حمود في قضية أبناء جمعان
حيث يقول فيها
يا بو حمود الله يكلل مساعيك = بالدين والدنيا يعزك بفزعتك
ياللي سعيت بحق ربعك وأهاليك = كل الجماعة يشكرونك بوقفتك
دافعت عن سمعة وعزيز وغاليك = يالصقر ياللي ترفع الراس هدتك
جمعتهم في مجلس يفتخر فيك = وجودك الرجال اللي يحبون دعوتك
رجال لصلبات المواقف دواميك = خالد وفالح ثمنوا لك حميتك
ما حد سبقك بوقفتك دون عانيك = تشكر على طيب اهتمامك وغيرتك
أشكرك شكر خاص ماني بناسيك = حيث إن لك دور يشرف جماعتك
فلعك جميل وكل واحد يهنيك = يا مطر يا بن حمود نعم بلحيتك
قومتك تسعدنا ونفرح بطاريك = ما تنسي لك يا فتى الجود وقفتك
الله يرفع لك مقامك ويهديك = ويعطيك مطلوبك على قد نيتك
بيضت صفحتنا عسى الله يعافيك = الله يبيض يا بن الأمجاد صفحتك
يؤذيني اللي يا فتى الجود يوذيك = أزعل لما يزعلك وافرح لفرحتك
حنا سندك ولا لك الله نخليك = سواعدك كان المواقف تحدتك
نوقف بوقفاتك ونمشي مماشيك = ولا يتخلى عنك في وقت حاجتك
ليا ضدتك سود الليال المحاليك = اطلب وأنا لك مستعد بخدمتك
واليا تكلم واحد كنه الديك = أرخص لك الروح العزيزه لفكتك
عطني الإشارة واتولاه واكفيك = واوجعك في خاير كلامه وحستك
لي بندق ترم الضرايب تماتيك = وانكله ما عاد ينظر لوجهتك
بعض العرب يعجبك مثل السيراميك = تفتك بما يجرا على حقنا فتك
اللي لهم عرض المقفى مساويك = ويفرح عليك ليا تداعت مصيبتك
وعيال عمك لك حرار مماليك = والله ما يسوون ظلك ردتك
هذا تمام رسالتي يا فتى ذيك = اللي على الجوال فيما مضى جتك
rwd]m sglhk fk l'v hfk ktgh td lfh]vm pl,]
قصيدة سلمان بن مطر ابن نفلا في مبادرة مطر بن حمود
