قصائد من حفل عبدالله بن فالح بن جليل
اول قصيده للشاعر فهد عبدالهادي من بعد كلمه البدايه
الله يحييكم على قل الكلافه يالحضور -- عند الرجال اللي توفي للرجال حقوقها
اللي حضر مشكور واللي غاب من ظرف معذور-- دام النشاما اول قراها ينذكر منطوقها
الحمدلله زالت الغمه وجا للحق نور -- وبشرت بالجنة يامن جاب العلوم يسوقها
ولا اقول غير الله يبيض وجه وافين الشبور -- اللي سعوا لين الحقيقه بينت بشروقها
اهل الوفا واهل النقا عند اللوازم ماتبور -- على الطويله ننشر البيضاء وتركز فوقها
قصدي ولد عمي فهد دايم على الجزله جسور -- المرجله والطيب ينهل من مناهل سوقها
من البدايه لين تمم بالعدد خمسة شهور -- ولا ارتاح يالين الحرار الشقر فك سبوقها
والصالحي رجلٍ كفو رجلٍ مجرب ومخبور -- قال الحراميه حرام اني لأشد حلوقها
كفى ووفى الصالحي بالفعل ماشابه قصور -- والله يعز الشجره اللي طيبها بعروقها
هذي سوالفنا على وضح النقا ماهي بزور -- والله يبارك بالرجال اللي توفي حقوقها
واللي حضور مشكور واللي غاب ماجانا معذور -- يوم الرجال اول قراها ينذكر منطوقها
الشاعر فهد بن عبدالهادي
بعدها تقدم ماجد بن حمود بن دغيفل والقى قصيده لأخوي عبدالله بن فالح
أبدا بذكر اللي به الناس يبدون -- الخالق المعبود رب الجلالي
وابدأ بشكره واشكره جهر وسكون -- انجى اخويه واظهر النور عالي
انجى اخويه والخلايق يشوفون -- من شر حاسد اشغله حب مالي
انجاك يافصيل من اللي يكيدون -- يارب يفتح لك نصيبن حلالي
واشكر ابوفيصل رفيقي ولي عون -- فهد ولد حسين قروم العيالي
يومن نخيته فزعته هزت الكون -- وقف معي وقفة رفيقن موالي
والله انا لك يافهد دوم مديون -- وابشر بعزك واطلب بلامجالي
ماهي غريبه ياابيض الوجه ماتكون -- اخ ورفيق وتفزع ولاتبالي
ولا انسى ابوسلطان والله مايهون -- بندر بن سياف جزل الفعالي
ولا انسى انا البيضان يوفون يوفون -- عيال عمي يابعد كل غالي
واهدي انا شكر وتحيه وممنون -- يم القبيله محتمين التوالي
الشاعر عبدالله بن فالح بن جليل
ــــــــــــــــــــــــــــــــــــــــــــــــــ
يالله ياللي تنصر الحق يالله = وتمهل ولا تهمل وحبلك متيني
ياسامع عبدٍ جداه المناجاه = لياقلت الحيلة ولا له عويني
من كنت في صفه يبا يدرك مناه = لو كثروا العدوان والظالميني
يرسل سهوم الليل ويردد دعاه = وانت المجيب لمطلب السايليني
ومن كنت في ضده تعثر مطاياه = لو هو حريص وبالدعاوي ذهيني
تعمي نظر عقله وتكشف خفاياه = ويصير عبرة للبيب الفطيني
سايلك عفوك والرضا والمعافاه = وإنك على خير الكلام تهديني
وتحفظ لساني عن كلام الملاغاه = وتدل فكري للكلام الثميني
اللي يجملني بلفظه ومعناه = ويثني عليه بعده السامعيني
ويصور شعورٍ على الصدق مبداه = وفيه الفرح والفخر متمازجيني
يوم ان افيصل سهل الرب دعواه = والنور بان وكل علمٍ يقيني
والظالم أمسى في محابيل ظلماه = وأصبحت يافيصل من المسعديني
فرحك والله كلبونا فرحناه = وعم الفرح كل الربوع اجمعيني
وجينا نبارك لك وحفلك حضرناه = واجب ولا حنا عنه غافليني
يوم ان عبدالله دعانا نصيناه = أخوك بالفرحة له مشاركيني
اللي منامه قبل فرحتك جافاه = أنت السجين وهو لهمك سجيني
ومن بعد شاف الميل وأزرى لا يقواه = من عالمٍ لأعمالهم مهمليني
عنز على ابن حسين والخافي ابداه = حيثه رفيق وبالمواقف يبيني
بالعرف والحكمه والراي والجاه = فهد لها قولٍ يجي له ضميني
ما لاذ عن هم ابن عمه ولا تاه = يقفي ويقبل والعزم ما يليني
مشوار يبدابه ومشوارٍ أنهاه = وعزمه يزيد وبالولي مستعيني
ولا هي غريبه منه والشاهد الله = وأهل الضمير الحي له شاهديني
ومادام فالبيضان مثله وشرواه = حنا لتيجان الفخر لا بسيني
وأقول مجدٍ وارثينه حفظناه = والصيت والسمعة لها وارثيني
مثل ابو فيصل بالوفاء لا عدمناه = هذي فعوله تعجب الناظريني
ولا أنسى رفيقٍ هم ربعه تبناه = الصالحي راع المقام الثميني
خلى النظام العدل يمشي بمجراه = قد الأمانه صح ما هو مهيني
وابدى جهوده جعل الأنذال تفداه = ياليت مثله بالعمل واجديني
وختامها بالحمد والشكر لله = ويالله تجعلنا من الشاكريني.
محمد بن سعود بن زايد
وتبقى قصيدة للشاعر شافي البيضاني لاتحضرني وانا ان شاء الله سأقوم بتنزيل فديو كامل للحفل خلال هاليومين
rwhz] lk ptg uf]hggi fk thgp [gdg
مواضيع جديدة لم يتم الرد عليها.. نتشرف بمشاركتك لنا فيها
|
إعلان إداري |
|
|
التعديل الأخير تم بواسطة محمد بن سعود ; 28th Sep 2009 الساعة 01:42
|
