السلام عليكم ورحمة الله
هذه محاورة رباعية شارك فيها الشعراء: محمد بن سعود البيضاني، شافي بن عبدالعزيز البيضاني، معزي بن عبدالكريم البيضاني، حمود بن عبدالكريم البيضاني:
محمد:
يا معزي دام حنا حاضريني = لا تنشد لا فلان ولافلاني
شافي:
ياحمود السالفة بينك وبيني = باقية والسفن ترسي بالمواني
معزي:
يامحمد دامها سمن وسميني = السيوف مجردة دوك الحصاني
حمود:
أهرج اهرج لو ما اضنك سنيني = فرق بين الجدي وسهيل اليماني
محمد:
أنزل الميدان مثل النازليني = وأدل دلوك لا تفرج يافلاني
شافي:
قالوا ان حمود كد ذكى الخميني = قلت اعرف انه حكيم وبهلواني
معزي:
مانخض الدلو لا جاء فيه طيني = ........................؟؟
حمود:
الصحيح يصح والعلم اليقيني = اذبحه لو ان شافي ما نخاني
محمد:
جمها صافي مير انتم عاجزيني = عابد التمثال ماهو للجناني
شافي:
البلا لاجاك للشيعة رطيني = لا تعود عشر ابن عمي ثماني
معزي:
ساسها طيب وخل المستحيني = والخطية ما تجازى بالحساني
حمود:
كيف أبا اخافه وابن عمي يميني = لو يجي معه الرياحي والسناني
محمد:
عمرها عشرين عام امع اربعيني = ركبوها اعداك من شان العواني
شافي:
لا تعود سالفة عبد المعيني = خلها من بيننا والعمر فاني
معزي:
يامحمد انت خشمي وانت عيني = كيف اسوي كان ضيعت البياني
حمود:
خابرك مثل الجمل جنبك متيني = ماتلينك القني والخيزراني
محمد:
ما لحقني شك يالصقر الفطيني = علم اللي صابهم مني جناني
شافي:
رح وبلغ علمي بليس اللعيني = تكبر الهزلة ويطمرها الحصاني
معزي:
صفحتك بيضا ولكن فيه ديني = وانتظرني واقفٍ لك في مكاني
حمود:
هب يالشيطان ماهو لي خديني = والله انه لو يدور مالقاني
محمد:
لا متى والناس ذولا مشمليني = أهل الدلة ترى ماهم خواني
شافي:
يوم افكر بالثلاثة والثنيني = أكره الهزلات من عقب السماني
معزي:
موترك لو راح غادن له حنيني = ماوصل ما وصل ِجدك بالزماني.
hgvfhudm hgehkdm: (lpl]K ahtdK lu.dK pl,])
الرباعية الثانية: (محمد، شافي، معزي، حمود)
