هذه القصيدة ضمن القصائد التي قالها الشاعر في قضية أبناء جمعان في الشيخ حجاب ابن نحيت حيث يقول فيها
سلام يا شيخٍ حوى الجود كله = بالـــدين والدنـــيا وطـــيب الاصاله
حجاب الكرم كل الرجال تبع له = يا حجاب أبو ناصــر كريــــم السباله
نشكرك شكر ناضعه في ملحه = يابن نحـــيت الشـــيخ يـــــاحي فاله
يا معتق الارقاب عقب المذله = اليا قمت بـــــامره يرتجونـــه عياله
وقتك ومالك ماتدور جزى له = غريزة بـــك مـــا تـــبي بــه جماله
شيخ الشيوخ وكـــل عـــقد تحله = إلى اشتد وضع المعضله قلت أنا له
زبن الضعيف إليا حدته العضله = من حدته ســـود الليالي لجــــا له
اليا جاه من بامره من الضيم خله = يشكي عليه ظروف وضعه وحاله
يبشر بما يشفي ضميره وغله = يقضي لزومـــه مـــا يكـــثر جـــداله
يعطي الجزيل وكيس ماله يفله = ماكنــــه إلا زاهـــد فــي حــلالــــه
قالــوا تكــلم وامــدح الشيخ قل له = شكـــرٍ علـــى بــــذله وطـــيب فعاله
قلت اسمحوا لي واكتبوا بالمجله = وكل بـــدوره يكــتب اللـــي بداله
قالــوا حشا مطلوبـــنا مــا تزله = وانته على الجــوال ترســل رســالة
ذيك الرســـاله عقبــت لـي شكله = ياليتـــني ذبـــيتــــها بــالــزبـــالة
جفــت ينـــابيع النبـــط مستــذله = وعجزت تماثيلي تعـــدد خصـــاله
والله والله ثم والله ووالله = ما يوفي لساني جمــيل الثـــنا له
والله لو تنــشر صـــاحيف سجــله = غطى فسيح الكون ضافي ظــلاله
شاعر وشيخ وحاوي العلم كله = ياخذ مـــن القيل المصــفى جــزاله
شعره مثل نقد الذهـــب مــا تمله = اليا دق بـــابه ينفـــتح له مجـــاله
اليا جد جزلات المعاني يجن له = وأنا نصيــــبي بالقـــوافي حثــا له
اطق بــاب القــيل واطـــلع بقله = مثــل الفقـــير اللـــي فقد راس ماله
قدمتها للشيـــخ واطلــب لعـــله = يدمح لنا التقصير في كل حاله
يبدي بــها رايــه وأنا شاكرٍ له = إن جملت وإلا طلبت استقاله
rwd]m sglhk fk l'v hfk ktgh td hgado p[hf kpdj
قصيدة سلمان بن مطر ابن نفلا في الشيخ حجاب ابن نحيت
