السلام عليكم ورحمة الله
هذه قصيدة للشاعر سالم بن مطر البيضاني يناقش فيها مشكلة ساهر :
أوذيتني ياساهر الله يوذيك
_
حملتني بالدين ظلم وهضيمه
:
ساهر ياشين منين تبغاني اعطيك _
كل يوم ترسل لي رسالة قسيمه
: ياشين والله راتبي مايكفيك
_ مافيك لارحمه ولافيك شيمه
وينك عن الي معلنينن تحديك
_ قدم المفحط ليش ترضا الهزيمه :
شرك على الشيبان خابت مساعيك
_ كم شايبن يشكي من الدين ظيمه
: الشعب كله يالمخادع معاديك
_ وسمعتك بين الناس سمعه ذميمه
: حتي حبيب الشعب ماهوبراضيك
_ وسياسة الدوله سياسه حكيمه
: ونايف ولي العهد ماهومخليك
_ والي يضر الشعب نايف خصيمه
: يصدرقرارن صارمن منه يلغيك
_ وصالح يموت من القهر والحريمه
: ويصيرصالح من حساب الصعاليك
_ لوكان ظلم الناس عنده غنيمه
: ياصاحب الساهر ترا الموت لاقيك
_ لاتحسب انك في حياتن مقيمه
: وان كان جمع المال بالظلم مغويك_
المال مافك القرون القديمه.
: غيرك يغرف بملعقه وانت بكريك
_ والمال فتنه للعقول السقيمه
: خذالحذر قدام ياخذك باريك
_ تراالظليمه عاقبتهاوخيمه
: لاالجاه يشفع لك ولاالمال ينجيك
_ خذ النصيحه من قلوبن رحيمه
: واحذر غريمن تالي الليل يشكيك
_ سهران من همن تلظاجحيمه
: توقفت مصالحه كود يوفيك _
والظلم ماترضاه حتي البهيمه
: تراسهومه مالك الله تخطيك
_ دعوة ضعيفن عند ربي عظيمه
لاتدعي بالنفع بانت خوافيك
_
الضر حاضر والمنافع عديمه :
الادعا مرفوض لويذن الديك
_ لامصلين فرضن ولاهومقيمه
: مقصودكم واضح ولافيه تشكيك
_ اهداف تفمها القلوب الفهيمه
خطة جباية مال بخدعه وتكتيك _
يظهر نباها لاكربت الشكيمة
: واحصاالحوادث تغطيه من محاميك
_ يدفع بهاعنك الخطا والشتيمه
: والا انت نفعك مايغطي مساويك _
تاكل حقوق الناس جور وظليمه
: دايم وكشافك تقل شمعت اتريك
_ يلوح مثل البرق والله عليمه :
من شاف برقه قال سبحان منشيك
_ واليانظر للجومافيه غيمه
: قالوله هاذ برق ساهر غدر فيك _
تلقاه بحسابك مسجل قسيمه
_ انسان غافل مادرا عن تلويك
_ جريمة ن ياكبر ها من جريمه
: لاراتبن يمشي ولامالكن شيك
_ يشي لرب الكون محيي هشيمه
: انصحك ياساهر واحذر واوصيك
_ الظلم تأباه العقول السليمه
: تجازي على الغفلات والله يجازيك
_ يومن كلن يقتضي من غريمه :
واقل مايجيك خبلن ابلجيك _
قليل عرف وبالملاقا صتيمه :
يرسل عليك من المشوك تماتيك
_ يخلي عظامك يالمراقب حطيمه
: والي حصل في ماضي الوقت يكفيك
_ ياما بكابه من يتيم ويتيمه
: ماقصد بهالشعور الاشرار تحريك _
وحنا بمانن جعل ربي يديمه
: وحنالبومتعب حرارن مماليك
_ بالسمع والطاعه وصدق العزيمه
: والي يبي بالشعب فرقه وتفكيك
_ هذاك ماله عندالاخيار قيمه :
ياساهر اسمع كان تسمع مناديك _
احذر تولاك النفوس اللئيمه
: والمسعد الي مايحوم حواليك _
باقصا الصحاري ساكنن له بخيمه
: ياصاحب الساهرترا القاف ناصيك
_ وانت الهدف يعنيك وانت بصميمه
: ياشين من ينجيك من بطش واليك _
يوم الحساب يجيك سينه وجيمه
: والله مايحميك سور وشبايبيك
_ في يوم ماينفع حميمن حميمه
: احذر ترا المظلوم ماهو بمعفيك _
كم واحدن يطلبك مصرف حريمه
: سالم مطر الحربي***1632;ابورايد
h,`djkd dhshiv hggi d,`d;KK rwd] gshgl fk l'v
اوذيتني ياساهر الله يوذيك،، قصيد لسالم بن مطر
