السلام عليكم ورحمة الله
هذه القصيدة التي تشرفت بالمشاركة بها في حفل الأخ محمد بن إبراهيم الأجرب والذي أقامه بمناسبة تخرج ابنه إبراهيم من كلية الملك خالد العسكرية
في حفلة قدرها من قدر اهاليها
ربعي وافاخر بحاضرها وما ضيها
في حفل الاجرب محمد صغت قيفاني
قيفان شعر على الواجب مضريها
انشاركه فرحته ونحيي ضيوفه
اللي دعاها وطيبه قبل داعيها
يا مرحبا يا هلا مليون ترحيبة
عداد ما هل وبل من منا شيها
ترحيبة بالوفى والطيب ممزوجه
من صدق الاحساس للافين نبديها
في حفل من يكرم الضيفان والعاني
فخر لربعه وربعه يفتخر فيها
جينا نشارك عريب الساس بافراحه
وعسى السعادة خطى رجله تباريها
مبروك زرع زرعته عز واسقيته
واليوم نفسك يبا يحقق أمانيها
عسى التوافيق فاله والسعد فاله
في جاه من يحيي الأنفس ويفنيها
ماشٍ على نهج ابوه وسلم جدانه
يحمي الامانه ويحملها ويديها
شبل تخرج مع اشبال تحالي له
من شان داره من العدوان يحميها
وقبله سعد بالرغامة بايع روحه
مع جيش عبدالعزيز ولا بخل فيها
وكم واحد من سلفنا كد سقى دمه
أرض الوطن يوم حارب من يعاديها
ويوم ان عز الفتى من عزت أوطانه
هذي وطنا نقدرها ونغليها
هي مهد الإسلام واهي اصفى ينابيعه
نحمي ثراها وبالأرواح نفديها
بقيادة اللي لهم عهد الوفى منا
الشجرة اللي لنا طابت مجانيها
وأكبر دليل الدول من حول دولتنا
فيها الكوارث تبيد من يصاليها
الخوف والفقر والتشريد والذلة
ناس تصبح بها وناس تمسيها
وحنا بفضل الله المعبود سبحانه
ننعم بدار حميدات مساعيها
والله يديم الأمان وينصر جنوده
وأهل الفتن والردى والكيد يخزيها
lahv;jd td ptg lpl] fk Yfvhidl
مشاركتي في حفل محمد بن إبراهيم
