السلام عليكم...
و بعد...
فهذه محاولة لجمع قصائد الشاعر الكبير / مشاري بن مسحل
إن بغيت الصراحة يا علي = ما تبريت من سيفٍ حدب
ما أقدر أقول لك مالي حلي = و نوب عيني تضيق من الهدب
بس لي مذهبٍ ما هو خلي = مذهبٍ تاجده عند العرب
ما تبريت من شين عملي = دام لي دم واحساس وعصب
كل حاجر يغيض و يمتلي = بس يبقى الشنب دايم شنب
يوم ضاقت و فاض المرجلي = الرسول ابن عبد المطلب
احتسم بالسواني والدلي = وجمة البير ما تملى القرب
واحسبنك اليا نادوا ولي = واثرك ان شبت النار الحطب
الرهاوي تحسب انه ملي = لين تلمس كعوبه باللهب
ثم يصير الطلي ولد الطلي = صيدة الذيب لا منه قنب[/poem]
أهل السيوف
هذه القصيدة كتبها الشاعر / مشاري بن مسحل البيضاني عام 1416 هـ ويسندها على احد زملائه و هو الشاعر عماش الربيقي الحربي.
ما الو م عيني وان غشاها الدموعي = ولا ألوم قلبي وان شكى زايد الهم
قلب شكى يا عماش فرقا الربوعي = ما لامه الا اللي مع الناس ما اهتم
يلومه اللي غربته بالسبوعي =ما طاول الغربة ولا الليل الأظلم
يقعد ويرقد مع حسين الطبوعي = وليا صحى سير على الخال و العم
ما هو بمثلي بين شيعي وشوعي = من شوفهم يضوي على قلبي الغم
وجدي على ربعي شيوخ الجموعي = أهل السيوف اللي بها العيل يلطم
آلاد الأبيض لابسين الدروعي = المجد والتاريخ عنهم تكلم
يوم المراجل ما حوتها التبوعي = لآلاد الأبيض قالت المرجلة سم
ما هرفت شمس وبدت بالطلوعي = إلا لهم بمصادم القوم ملحم
في ما مضى هذي عوايد ربوعي= و اليوم بالله غردي يا أم سالم
لا سني ولا شيعي
مافي عجزت لاتقوله حروفي = وأنا أحسبني قبل أنا فارس الحرف
عجزت لاأعبر وأبين ظروفي = ماكني اشكي ياهل العرف من ظرف
وأنا كثير أحزان وافي صدوفي = كلي رسالة هم والحزن له ظرف
والله لاشيعي ولاني بصوفي = ولاني مخلا للتقاليد والعرف
لاكن في حب العذارى شغوفي = اموت وأحيا فيك ياناعس الطرف
أجيك وأجمع وأتفقد حروفي = وأرجع وأنا اللي ماتكلمت لو حرف[/poem]
الوردة
أرسم لك الوردة على بيض الاوراق = ياوردة تشبه ورود الطبيعه
أقبل ورود الحب ياشوق مشتاق = الورد مايذبل وصدرك ربيعه
ضمه غلا ضمه عبث ضمه أشواق = خله بستانك وسمه وديعه
يمكن تناساني ليا حل الفراق = ويذكرك ورد غصونه بديعه
يذكرك حب لجا بين ألاعماق = بين الضلوع اللي بحبك منيعه
حب الشرف مبني على كل مالاق = دايم ومنزلته رفيعه رفيعه
وأن كان ماذكرك أحرق به أحراق = ولا على غيرك نصيحه تبيعه
يمكن يجي للورد عاشق ومشتاق = ويقدسه تقديس ركن الشريعه
ويرثي محب مات من حر ألاشواق = مات وترك بالكون ورده وديعه[/poem]
]d,hk lahvd fk lspg
ديوان مشاري بن مسحل
