السلام عليكم ورحمة الله وبركاته
واسعد الله اوقاتكم بما يرضيه
إلى حضرة الشموخ/ والدي العزيز ..
يسيل حبك يا يبه بالشرايين
واسافر بسرب الطفوله لمعناك
افتح عيوني والتفت يايبه وين!
ماغير زخات المطر وانته هناك
سحاب له قلب(ن) من العطف ويدين
تمد ويمدك من الخير مولاك
غرست في روحي من اسمك بساتين
لين أينعت من زاكي الشعر تنصاك
يابوي ياسالك طريق المصلين
حرك تكدر ياعسى عمره فداك
ليتك تعذره لانثر دمعة العين
سبة عصاك وثقل رجلك بممشاك
في وجهك الطاهر تعب رحلة سنين
هذا الكبر وشلون شيبه تغشاك!
لك كامل التبجيل ياكامل الدين
ياكامل المعنى بكامل مزاياك
علمتني وصل المودة للأدنين
لنك نهر تروي قرايبك من ماك
وعلمتني كيف الحفاوه بالاقصين
الجار والضيف المسير ليا جاك
قلته يابوخالد وعندي براهين
الصيت والطيب المعتق بيمناك
ماترجح الكفه نهار الموازين
الا بفعلك قبل ذولا وذولاك
فعل حقيقي مايجي فيه تخمين
سطوه وشده والخلايق تحلاك
تبذل لوجه الله بلا من وتعين
اللي طواه الهم من طيب مجناك
ياحاتم البيضان زبن الدخيلين
الجود ملكه في يدك ماتعداك
لميت شمل الناس بالصبر واللين
ماخاب ضن اللي بحاجه ترجاك
سيرة شموخك للرجوله عناوين
تاريخ والحاضر للأجيال يقراك
أدعيلك بطول العمر وأختم آمين
عسى يبه ماننحرم ضحكة رضآك
_____
لك من شاركني هذا النبض 
،
خالص تحياتي ،،
Ygn pqvm hgal,oL ,hg]d hgu.d.
إلى حضرة الشموخ/ والدي العزيز
